Кеше әлеуметтік желілерде Ташкент қаласының Сіргелі ауданында әйел 3 баласымен бірге өзін 9-қабаттан құлағаны туралы хабарға Бас прокуратура ресми мәлімдеме жасады.

«Бас прокуратура мен Ташкент қалалық прокуратурасы басшылығының жедел-тергеу тобы оқиға орнын тексеріп, тергеу амалдарын жүргізді.

Оқиға 3 сәуір күні сағат 19:20-да Сіргелі ауданындағы 8-ші аудандағы көпқабатты үйде тұратын әйел (1996 ж.т.) екі ұлы мен бір қызын қасақана өлтіру мақсатында 9-қабаттың терезесінен құлатып, одан кейін өзі терезеден секіріп, өз-өзіне қол жұмсаған», делінген хабарламада.

Ведомство дерегінше, салдарынан барлығы оқиға орнында көз жұмған. Бұл жағдай Қылмыстық кодекстің 97 (Қасақана кісі өлтіру) және 103 (Өзін-өзі өлтіруге дейін жеткізу) баптары бойынша қылмыстық іс қозғалған.

Алынған мәлімет бойынша, марқұм әйел Ташкент облысы Зангиота ауданында күйеуімен бірге тұрған үйде 2022 жылдың қазан айында өрт болғаны себепті 3 баласымен анасының Сіргелі ауданындағы үйіне келіп, олармен бірге тұрған және бұл жағдайлар оның психикасына теріс әсер еткен.

Сондай-ақ, марқұмның жұбайы қазір Сауд Арабиясында умра қажылығын өтеп жүргені анықталды.

Тергеу тобы бұл қайғылы оқиғаның барлық ықтимал себептерін мұқият зерттеу үшін бірқатар тергеу болжамдарын жасады.

Атап айтқанда, отбасылық келіспеушілік, марқұмның бойында байқалған психикалық өзгерістерге әкеп соқтырған себептер, суицид және басқа да жорамалдар алдын ала тергеу барысында жан-жақты зерттеледі, делінген Бас прокуратура хабарында.