«Барселона» клубы Ханс-Дитер Флик команданың жаңа бас бапкері болғанын ресми түрде хабарлады.

Клубтың ресми сайтының хабарлауынша, Хавимен 2025 жылдың жазына дейін жасалған ағымдағы келісімшарт бұзылған. Оның бапкерлік штабтағы көмекшілері де командадан кеткен.

Хабарда айтылуынша, Германиядан келген 59 жастағы бапкермен 2026 жылдың жазына дейін 2 жылдық келісімшартқа қол қойылған. Фликке Германия құрамасындағы бұрынғы жұмысында көмектескен көмекшілері де онымен каталондық клубта жұмыс істейді.