“Koʻk-anorranglilar” prezidenti madridliklar bilan oʻrtada futbolchi sotib olish borasida taqiqlovchi bitim yoʻqligini, shuningdek, jamoalar oʻzaro futbolchi almashishi ham mumkin ekanligini taʼkidlab oʻtgan.

“Har qanday professional klub istalgan darajadagi jamoa bilan raqobat qila oladigan darajada boʻlishi kerak. Men maydondagi oʻyinni nazarda tutayotganim yoʻq. Bu undan tashqaridagi vaziyatlarga tegishli. Transferlar masalasi bilan bogʻliq.

Isko “Barselona”ga kerakmi? Oʻylaymanki, uning darajasidagi futbolchini hech qaysi klub rad eta olmaydi. Agar Isko bu yerga kelib, bizning jamoda toʻp surishga qarshilik qilmasa, men Peres bilan gaplashib koʻrishga tayyorman”, - deydi Bartomeu Daily Star nashriga bergan intervyusida.

Eslatib oʻtamiz, Iskoning oxirgi paytlarda “qaymoqranglilar” ustozi Santyago Solari bilan munosabatlari yaxshi emas. Shu boisdan futbolchi yozda klubini almashtirishi mumkin. Iskoga “Barselona”dan tashqari “Chelsi” hamda “Yuventus”dan ham jiddiy qiziqishlar bor.