ФОТОРЕПОРТАЖ

Мактабгача ва мактаб таълими вазирлиги ҳузуридаги республика “Баркамол авлод” болалар мактаби томонидан йил бошидан буён “Баркамол авлод” болалари” фестивали ўтказиб келинмоқда.  

Фестивалнинг навбатдаги манзили Сурхондарё вилояти бўлди. 

Термиз шаҳридаги Қўғирчоқ театрида “Маданият ва санъат”, “Ҳунармандчилик вa қўл меҳнати”, “Хорижий тиллар” каби жами 7 йўналишда ташкил этилган фестиваль вилоятнинг 20 мингдан зиёд ёшларини қамраб олди.  

[gallery-18663]

Фесивални ташкил этишдан асосий мақсад, ўқувчиларнинг бўш вақтини мазмунли ташкил этиш, тўгаракларга ўқувчилар қамровини ошириш, ички туризмни ривожлантириш, таълим жараёнини турли инновацион методлардан фойдаланган ҳолда ташкил этишдан иборат.

Тадбир “Баркамол авлод” болалар мактаби томонидан тайёрланган бадиий қисм билан янада файз олди. Сурхон воҳасига хос гўзал рақслар барчага бирдек манзур бўлди.

Фестиваль доирасидаги танлов вa мусобақа ғолиблари муносиб тақдирланди.

Тадбир сўнгида фестиваль эстафетаси Тошкент вилоятига топширилди.

Жонибек ҚЎЗИМУРОДОВ(сурат),ЎзА