Палестиналыққа он бес рет шартты түрде босатудан бас тартылды. Енді оның өтініші қанағаттандырылды.

АҚШ-тың өлтірілген президенті Джон Кеннедидің ағасы, сенатор Роберт Кеннедидің 1968 жылғы маусымдағы өліміне кінәлі деп танылған палестиналық Серхан Серхан 50 жыл түрмеден кейін бостандыққа шығуы мүмкін.

Los Angeles Times басылымының хабарлауынша, шартты түрде мерзімінен бұрын босату комитетіне 77 жастағы Серханды босатуға байланысты қолдау хаттары келіп түскені айтылады. Олардың бірін марқұм Роберт Кеннедидің баласы да жіберген.

Сонымен қатар, прокуратура тұтқынның мерзімінен бұрын бостандыққа шығуына қарсылық білдірмеген. Осыған байланысты оның өтініші қанағаттандырылды.

Палестиналық 1972 жылдан бері шартты түрде мерзімінен бұрын босатуға өтініш беріп келген. Ол 1983-2006 жылдар аралығында бірнеше рет талпыныс жасады, бірақ оның өтініші қабылданбаған. Соңғы рет оның өтініші 2016 жылда қанағаттандырылмаған.