Bank xodimlari mijozlarni hurmat qilishi shart
Tadbirda hududiy bosh boshqarma hamda viloyatdagi tijorat banklarining masʼul xodimlari ishtirok etdi.
Respublika Markaziy banki Sirdaryo viloyati bosh boshqarmasi tomonidan “Korrupsiyaga qarshi kurashish bugungi kun talabi” mavzusida masofadan – ZOOM platformasi orqali onlayn-seminar oʻtkazildi.
Tadbirda hududiy bosh boshqarma hamda viloyatdagi tijorat banklarining masʼul xodimlari ishtirok etdi.
Ushbu masofaviy seminarda viloyatdagi bank tizimi xodimlariga korrupsiyaga qarshi kurashish toʻgʻrisidagi qonun hujjatlari, kasbiy odob-axloq qoidalariga rioya etish, manfaatlar toʻqnashuvini bartaraf qilish va korrupsiyaning oldini olish boʻyicha chora-tadbirlar toʻgʻrisida tegishli tushuntirishlar berildi.
Xususan, bank tizimida korrupsiyaga qarshi kurashish sohasida amalga oshirilayotgan chora-tadbirlarni kuchaytirish, korrupsiya koʻrinishlarining sabab va shart-sharoitlarini bartaraf etishga alohida eʼtibor qaratish lozimligi qayd etildi.
Onlayn-seminarda bank tizimi xodimlarining huquqiy savodxonligini yuksaltirish, banklar va ularda faoliyat olib borayotgan mansabdor shaxslar hamda xodimlar tomonidan bank mijozlariga xizmat koʻrsatishda kasb odob-axloq meʼyorlariga rioya etish, fuqarolarning huquq va erkinliklarini hurmat qilish shart ekanligi taʼkidlandi.