Бангладештің шығысында екі пойыздың соқтығысуы салдарынан кемінде 17 адам қаза тауып, ондаған адам жарақат алды.

Arab News басылымының хабарлауынша, ел астанасы Даккадан солтүстік-шығысқа қарай 80 шақырым жерде жолаушылар пойызы Бхайрабта жүк платформасына соғылған.

Теміржол полициясының басшысы Ановар Хуссейн «құтқару операциясы жалғасып жатқандықтан, құрбандар саны артуы мүмкін» деп мәлімдеген.

Жүк пойызы жолаушылар пойызын артынан соғып, екі вагонды басып қалған. Алдын ала мәлімет бойынша, жүк пойызы ережені бұзған.

Қазіргі уақытта оқиғаға қатысты қызметтік тергеу басталған.