Расмий маълумотларга кўра, ошхонада газ баллонининг портлаши оқибатида пайдо бўлган аланга бир зумда 2000 та уйнинг кулини кўкка совурган. Жабрланганлар ҳақида маълумот берилмаяпти, деб ёзмоқда BBC телеканали.

Хабарда айтилишича, полиция ёнғин сабабларини аниқламоқда. Айримлар фожиа атай уюштирилган бўлиши мумкин, демоқда. Ҳозирча бир киши қўлга олинган.  

Мамлакатнинг жануби-шарқий қисмида жойлашган ушбу лагерь дунёдаги қочқинлар яшаётган энг катта қўналға ҳисобланади. Бу ерда яшаётганларнинг кўпчилиги рохинжа қочқинлари бўлиб қўшни Мьянмадан қочиб келган.  

Ёнғинни уч соатда ўчиришга муваффақ бўлишган, бироқ 35 та масжид ва қочқинлар учун ташкил этилган 21 та ўқув маркази бутунлай ёниб кетган. Бундан ташқари,  ПЦР-лабораториялари ва сув таъминоти тизимлари ҳам зарар кўргани айтилмоқда.