Surxondaryo viloyatining Sho‘rchi tumanidagi “Best Faxr Mebel” korxonasi zamonaviy mebel ishlab chiqarish korxonasini ishga tushirdi.

Qoraariq mahallasida ish boshlagan yangi korxona yog‘och, plastmassa, temir, qamish, bambuk o‘simligi tanasi, daraxt novdasi kabi xom ashyodan yiliga qariyb bir milliard so‘mlik mebel tayyorlaydi. Bu yerda ishlab chiqarilayotgan mahsulotning bir qismini ichki bozorda sotish, qolganini qo‘shni davlatlarga eksport qilish rejalashtirilgan.

Ayni paytda korxonada mahallada yashaydigan o‘nga yaqin kishi mehnat qilmoqda. Kelgusida tadbirkor faoliyatini kengaytirish, mebellar turini ko‘paytirish evaziga yana o‘nta ish o‘rni yaratishni mo‘ljallamoqda. 

Xolmo‘min Mamatrayimov,

O‘zA muxbiri