ФОТОРЕПОРТАЖ

Навоий воҳасининг ҳар бир ҳудуди нафақат ўзига хос тарихи, балки таомлари билан ҳам эл аро машҳур.

Қизилтепага келган борки, Зарметан қатиғидан татиб кўришни истайди. Худди шундай, Нурота тандирининг, Конимех бешбармоғининг донғи кетган. Хатирчи туманида эса балиқ етиштириш ва айнан шу неъматдан санъат даражасида таом ҳозирлаб, хўрандаларга тақдим этиш билан бугунги кунда юзлаб аҳоли вакиллари машғулдир.  

[gallery-16333]

Туман ҳудудидан оқиб ўтувчи Зарафшон дарёси бўйларида ташкил этилган сунъий ҳавзалар мўл балиқ етиштириш имконини бермоқда. Қолаверса, аҳоли томорқаларида ҳам  сунъий ҳавзалар кўпайиб бормоқда. Балиқчилик том маънода Хатирчи иқтисодиётини ривожлантиришнинг асосий драйверига айланяпти.

ЎзА фотомухбири,Сирож АСЛОНОВ