Бали аралы жыл соңына дейін шетелдік туристер үшін шекараны жапты
Бұл жағдай аралдың табыс көзін 10 млрд доллардан астам қаржыға азайтады
Индонезия үкіметі Бали аралын шетелдік туристерге 11 қыркүйектен бастап ашу жоспарынан бас тартып 2020 жылдың соңына дейін ашылмайтынын мәлімдеді.
2019 жылы Балиге 6 миллионнан астам шетелдік саяхатшылар келген - бұл Индонезияға келген барлық туристердің үштен бірін құрайды. Биылға пандемияға байлансты аралдың табысы 10 млрд доллардан астам қаржыға азаятыны айтылған. Осыншама қаржыдан қағылу әрине оңай емес дегенмен адам өмірі маңызды деген ұғыммен арал губернаторы Вайян Костер: «Индонезия үкіметі шетелдік туристерге 2020 жылдың соңына шекара ашпайды, өйткені біз әліде «қызыл» аймақ қатарындамыз», - деген.
Бали губернаторы бұл жағдайды сәлде болса жұмсарту мақсатында ішкі туризмді дамытуға баса назар аударып отырғанын мәлімдеп, аралдың жергілікті туристер үшін шілденің аяғынан бастап ашық екенін айтқан.