Индонезияның Бали аралының билігі шетелдік туристерді қабылдауды 2021 жылдың басында қайта бастауды жоспарлап отыр, деп хабарлайды Times of India газеті.

Үкіметтің бұйрығымен Бали билігі шетелдік туристер үшін аралдың ашылуын бірнеше рет кейінге қалдырды. Соңғы мәліметтерге сәйкес, Бали туристерді қабылдауды 1 желтоқсаннан бастап қайта бастауы керек болатын.

«Аралды шетелдік туристерге 1 желтоқсаннан бастап ашу жоспарланбаған. Бұл, мүмкін, келесі жылдың басында болады», - деген Тёкорд провинциясының губернаторы Ока Арта Ардан.

Ока Артаның айтуынша, осы мәселе бойынша соңғы шешім жыл соңына дейін қабылданады. Өйткені Индонезия үкіметі елдің пандемияға байланысты шекаралар жабық болған кезде дағдарыстан қалай шыққанын бағаламақ, деген.

Шетелдік туристер үшін есік жбық болса да, қазіргі уақытта Бали аралы ішкі туризм үшін ашық. Провинцияда туризм индустриясын бастау үшін азаматтарға арналған түрлі жарнамалық ұсыныстар мен акциялар жарияланып жатыр. Индонезия үкіметі сонымен қатар 13 әуежай үшін түрлі салықтарды алып тастады, осылайша билеттер бағасын төмендетіп, жергілікті тұрғындарды саяхатқа тартуда.