Әзірбайжан астанасы Баку қаласында «Өзбекстанның мәдениет күндері» өтеді.

2023 жылдың 9-12 мамырында Өзбекстан Республикасы Мәдениет және туризм министрлігінің делегациясы «Шуша – түркі әлемінің мәдени астанасы» жариялануына орай Әзірбайжанда өткен іс-шараларға қатысты.

Айтулы шара аясында түркі елдерінің аспаздары мен қолөнершілерінің көрмесі ұйымдастырылып, онда Өзбекстанның аспаздар мен қолөнершілер қауымдастығы өкілдерінің қатысуымен өзбек ұлттық павильонының салтанатты ашылуы өтті. Шушаға келген мыңнан астам қонақтың назарына қыш, ою, кесте, ұлттық қолөнер бұйымдары, ұлттық киімдер мен аспаздар дайындаған палау және басқа да ұлттық тағамдар сияқты халық өнерінің көрмесі ұсынылды.

Сапар барысында Өзбекстанның Мәдениет және туризм министрі Азатбек Назарбеков халықаралық түрік мәдениеті және мұрасы қорының президенті Гүнай Эфендиевамен кездесу өткізді. Кездесу барысында аталған қормен ынтымақтастықты жандандыру мәселелері талқыланды.

«Әзірбайжанның Мәдениет министрі Адил Керимлимен кездесуде биылғы жылдың маусым-шілде айларында Бакуде «Өзбекстанның мәдениет күндерін» өткізуге келісілді», делінген хабарламада.