Баку қаласында Өзбекстан мен Әзербайжан Сыртқы істер министрліктері арасындағы кезекті саяси консультациялар раунды өтті.

Сыртқы істер министрлігінің мәліметінше, екі ел делегациясына Өзбекстан Сыртқы істер министрінің орынбасары Бобур Усмонов және Әзербайжан Сыртқы істер министрінің орынбасары Самир Шарифов жетекшілік еткен.

«Келіссөздер барысында саяси, сауда-экономикалық және мәдени-гуманитарлық салалардағы екіжақты күн тәртібінің өзекті мәселелері талқыланды.Тараптар мемлекеттер арасындағы жоғары және аса жоғары деңгейдегі саяси диалогты нығайтудың маңыздылығын атап өтті», делінген хабарламада.

Сондай-ақ, екі ел арасындағы сапарлар алмасу мәселелерін бірлесіп пысықтау, сондай-ақ құқықтық-шарттық базаны кеңейту бойынша келісімге қол жеткізілген.