Бүгін Әзірбайжан астанасы Бакуде дәстүрлі «Baku Energy Week» энергетикалық апталығы өз жұмысын бастады. Шараны Әзірбайжанның Энергетика министрлігі мен ұлттық мұнай компаниясы SOCAR бірлесіп ұйымдастырған.

Ауқымды іс-шараға «Өзбекнефтгаз» АҚ да қатысып, өздерінің ірі инвестициялық жобалары мен халықаралық серіктестікке ашық бағыттарын таныстыруда.

Апталықтың салтанатты ашылу рәсіміне Әзірбайжан Президенті Ильхам Әлиев қатысып, елдің энергетикалық мүмкіндіктерін жаһандық инвесторларға таныстырудың маңыздылығына тоқталды.

Назар аударарлық жайт — мемлекет басшысы «Узбекнефтгаз» компаниясының корпоративтік стендіне арнайы келіп, қазіргі бірлескен жобалар және болашақтағы ынтымақтастық жоспарларымен танысты.

«Baku Energy Week» аясында бірнеше маңызды іс-шаралар өтуде: «Каспий мұнай және газ» халықаралық көрмесі, «Каспий халықаралық энергия және жаңартылатын энергия көздері» конференциясы, Баку энергетика форумы.

«Узбекнефтгаз» АҚ Ақпарат қызметінің хабарлауынша, апталық 4 маусым күні өз жұмысын аяқтайды.