Bajaurda bomba portlashi oqibatida politsiyachilar halok bo‘ldi
Pokiston shimoli-g‘arbida poliomiyelit (markaziy nerv sistemasining zararlanishi) ga qarshi emlash vaqtida ishchilarni himoya qilish uchun yuborilgan 5 nafar politsiyachilar bomba portlashi oqibatida halok bo‘ldi, yigirmaga yaqini yaralangan. Bu haqda “Al Jazeera” televideniyesi xabar tarqatdi.
Ma’lumotlarga ko‘ra, portlovchi qurilma politsiyachilarning mashinasiga o‘rnatilgan. Portlash Bajaur shahrida bo‘lib, og‘ir ahvoldagi yaradorlar Peshovarga jo‘natildi.
Pokiston va Afg‘oniston 1-toifa poliovirusdan holi hudud deb e’lon qilinmagan yagona ikki davlatdir.
Xalqaro poliomiyelitni yo‘q qilish tashabbusiga ko‘ra, mamlakat "poliomiyelitdan holi" deb tan olinishi uchun kamida uch yil ketma-ket ushbu kasallik kuzatilmasligi kerak. Pokistonda 2023 yilda poliomiyelit holatining oltita holati qayd etilgan.