Kinematografiya agentligi buyurtmasiga asosan "Yoshlik" kinostudiyasi tomonidan suratga olingan "Bahs" qisqa metrajli filmi Yaponiyada bo‘lib o‘tgan ISCA xalqaro festivalining Gran-pri mukofotini qo‘lga kiritdi.

Kinematografiya agentligi axborot xizmatining ma’lumotiga ko‘ra, mazkur filmning ssenariy muallifi va rejissyori Gulnora Ivanova, operator Abdulaziz Asatullayev, postanovkachi rassom Behzod Alimardonov, bastakor Marat Shunkar, grimer Mavjuda Yoqubova hamda kartina direktori Sharif Qosimboyevlardir.  

Ba’zida insolar haqligini isbotlashga urinib, o‘z yaqinlarini qanday xafa qilib qo‘yganliklarini bilmay qoladilar. Erishilgan bugungi g‘alaba hayot sarhisob qilinganidan keyin o‘z qiymatini yo‘qotadi. Filmning asosiy g‘oyasi shundaki, yaqin insonlar shubhali g‘alabalardan ko‘ra muhimroqligini ko‘rsatadi. 

Dramada bosh rollarni O‘lmasjon Soriyev, Madina Odilova, Mahmud Ismoilov, Malika Ibragimova, Azamat Xasanboyev va Shuhrat Xo‘jayevlar ijro etgan. 

Gulnoza Boboyeva, O‘zA