Шаржа шаҳрида (БАА) от спортининг тўсиқлардан сакраш — конкур йўналиши бўйича ўтказилаётган мусобақада турли мамлакатдан келган чавандозлар CSI2* ва CSI5* тоифаларида ўзаро рақобатлашмоқда.

Қувонарлиси, “H.H. Sharjah Ruler Cup” халқаро турнирда Ўзбекистон йилқичилик ва от спорти федерацияси раиси Баҳромжон Ғозиев CSI2* тоифасида муваффақиятли иштирок этиб, олтин медалга сазовор бўлди.  

Эслатиб ўтамиз, Баҳромжон Ғозиев яқинда Абу-Даби шаҳрида (БАА) от спортининг конкур йўналиши бўйича ташкил этилган CSI2* “Fatima Bint Mubarak Cup” мусобақасида 130 сантиметр баландликдаги тўсиқлардан сакраш йўналишида иштирок этиб, шоҳсупанинг учинчи поғонасидан жой олган, CSI2* доирасида ўтказилган “Al-Khail Square Cup” баҳсларида олтин медални қўлга киритган эди.  

Жавоҳир Тошхўжаев, ЎзА