Ипакчилик ва жун саноатини ривожлантириш қўмитасида пиллачилик тармоғида баҳорги пилла мавсумини қизғин бошлаш ва жорий йилги режалар муҳокамасига бағишланган йиғилиш бўлиб ўтди.

Йиғилишда Ипакчилик ва жун саноатини ривожлантириш қўмитаси раиси Иқболжон Эргашев ўтган йилда эришилган ютуқлар ва йўл қўйилган камчиликлар хусусида тўхталди.

Жорий йилда пиллачилик соҳасида амалга оширилиши зарур бўлган экспорт, инвестиция, касаначилар билан шартнома қилиш ҳамда баҳорги пилла мавсумини қизғин бошлаш, касаначилар учун ўқув-семинарларини кенг кўламда ташкил этиш, қуртхоналар, тутчилик ва уруғчиликнинг ривожланишини назорат қилиш масалалари муҳокама қилинди.

Шунингдек, соҳага бозор механизмларини жорий қилиш, хорижий инвестицияларни жалб этиш, канакунжут ипак қурти етиштириш ва ундан сифатли пилла хомашёси олиш, экспорт, бандлик, озуқа базасини ривожлантириш бўйича тут кўчатларини экиш масалалари ҳам кўриб чиқилди.

Масъул ходимларга ҳар бир вилоятга алоҳида-алоҳида ишчи гуруҳ ташкил этилиб, назорат тадбирларини талабчанлик билан олиб бориш топшириғи берилди.

Гулноза Бобоева, ЎзА