Пойтахтимиздаги “Олимпия шаҳарчаси”нинг "Яккакурашлар" аренаси спортнинг бокс тури бўйича кичик ўсмирлар (ўғил болалар) ўртасидаги мамлакат чемпионатига бир ҳафта мобайнида мезбонлик қилди.

Мазкур мамлакат чемпионати якунига кўра, 4 та олтин, 4 та кумуш ва 1 та бронза медалини қўлга киритган Баҳодир Жалолов номидаги боксга ихтисослаштирилган спорт мактаби жамоаси умумжамоа ҳисобида биринчи бўлди ва мусобақанинг “Энг яхши жамоаси”га айланди. Тошкент вилояти жамоаси эса 3 та олтин, 2 тадан кумуш ва бронза медаль билан иккинчи, 2 та олтин, 1 та кумуш, 5 та бронза медали жамғарган Андижон вилояти жамоаси учинчи ўринни эгаллади.

Анъанага мувофиқ чемпионатнинг “Энг яхши боксчиси” дея Фаёзбек Норалиев топилди. Феруза Сулаймонова мусобақанинг “Энг яхши ҳаками” дея эътироф этилди.

Жавоҳир Тошхўжаев, ЎзА