Olimpiya o‘yinlari g‘olibi, Jahon chempioni Bahodir Jalolov navbatdagi professional boks turnirida ishtirok etish uchun murabbiyi To‘lqin Qilichev bilan AQSHga yo‘l oldi.

Hamyurtimiz ishtirokidagi professional boks bahsi joriy yilning 10 iyun kuni AQSHning Nyu-York shtatidagi Verona shaharchasida bo‘lib o‘tadi.

Boks kechasida hamyurtimiz Jalolov belgiyalik Jek Mulovayi bilan jang qiladi. Ushbu uchrashuv professional boks kechasining markaziy jangi etib belgilangan. 

Eslatib o‘tamiz, Bahodir Jalolov mazkur uchrashuvga tayyorgarlik mashg‘ulotlarini Rossiyaning Sankt-Peterburg shahrida o‘tkazdi.  

 T.Ro‘ziyev, O‘zA