Italiyaning Milan shahrida badiiy gimnastika bo‘yicha yakunlangan jahon kubogining final bosqichida O‘zbekiston terma jamoasi a’zolari munosib natijalarni qayd etdi.

Gimnastikachilarimiz o‘rtasida eng yaxshi ko‘rsatkichni Anastasiya Saranseva qayd etdi. U ko‘pkurash natijalariga ko‘ra, 108,65 ball to‘pladi va 7-o‘rinni egalladi. To‘p bilan mashq finalida esa hamyurtimiz 8-o‘rindan joy oldi.

Terma jamoamiz a’zosi guruh mashqlarida iroda va matonat timsoliga aylandi. Gimnastikachilarimiz ko‘pkurashda 13 ta jamoani ortda qoldirib, 4-o‘rinni egalladi.

Jahon kubogining so‘nggi kunida beshta lentali mashqda o‘zbekistonlik gimnastikachilar 5-o‘rin bilan kifoyalandi.

Aytish lozimki, yurtimiz badiiy gimnastikachilari Milan bahslari ortidan xalqaro reytingdagi mavqelarini yanada mustahkamlab oldi.

T.Ro‘ziyev,

O‘zA