Бадиий гимнастика: қитъа чемпионатининг илк кунида 4 та медаль
Филиппинда бадиий гимнастика бўйича ёшлар ва катталар ўртасида ўтказилаётган Осиё чемпионатининг дастлабки медаллари ўз эгаларига топширилди.
Илк кунги беллашувларда Ўзбекистон терма жамоаси аъзолари 3 та олтин ва 1 та кумуш медалга сазовор бўлди. Истеъдодли ёшларимиз яккалик ҳамда гуруҳ машқларини ўз ичига олган жамоавий дастур, кўпкураш йўналишида тенгсиз эканликларини кўрсатди.
Ёшларимизнинг муваффақиятидан руҳланган катта ёшдаги қизлар терма жамоаси аъзолари ҳам жамоавий йўналишда олтин медални қўлга киритди.
Гуруҳ машқларининг кўпкураш дастурида эса ҳамюртларимиз кумуш медалга сазовор бўлди.
Мусобақалар давом этмоқда.
Т.Рўзиев, ЎзА