Болгария пойтахти Софияда бадиий гимнастика бўйича давом этаётган жаҳон чемпионатида ҳамюртимиз Тахмина Икромова мусобақанинг финал босқичига йўл олди.

Эътиборлиси, шиддатли баҳсларда Тахмина жаҳон чемпионатининг шахсий биринчилигида лента ва булава билан иштирок этди. Айнан булавадаги  бенуқсон бажарилган машқ уни чемпионатнинг финалига олиб чиқди.

Айтиш лозим, бундай натижага ўзбекистонлик гимнастикачи қизлардан Ульяна Трофимова 10 йил муқаддам эришганди.  
Чемпионатда яна бир гимнастикачи қизимиз Ясмина Раҳимова илк маротаба иштирок этаётганлигига қарамасдан ўз иқтидорини намойиш этиб, финалга йўл оладиган захира таркибидан ўрин эгаллади.  

Жаҳон чемпионати баҳслари давом этмоқда.  

Т.Рўзиев, 
ЎзА