2022 йил 17 январдан бошлаб Ўзбекистон Республикаси ва Тожикистон Республикасидан Бирлашган Араб Амирликларига жўнаб кетаётган йўловчиларга қўйиладиган янги талаблар эълон қилинди.

Яъни, йўловчи SARS-COV-2 вирусли RNK (PZR) нуклеин кислотасини сифатли аниқлаш учун мўлжалланган молекуляр диагностикага асосланган, намуналар олинган вақтдан бошлаб 48 соатдан кечиктирмасдан берилган ва QR код тизимидан фойдаланадиган соғлиқни сақлаш хизмати томонидан тасдиқланган, COVID-19га қарши топширилган тестнинг манфий натижаси тўғрисидаги амалдаги сертификатни тақдим этиши керак.

Шунингдек, Дубай ёки Шаржага етиб келгандан сўнг, аэропортда PZR тестидан ўтиш лозим бўлади. Тест натижасини олганига қадар фуқаро ўзини изоляция қилиши талаб этилади.

ЎзА