Біріккен Араб Әмірліктері Өзбекстанға COVID-19 індетіне қарсы күрес үшін 7 тонна гуманитарлық көмек жіберді.

Өзбекстанның Абу-Дабидегі елшілігінің хабарлауынша, атаулы гуманитарлық жүк құрамында өкпені жасанды желдету жабдықтары, оттегі концентраторлары, ПЦР-зертханалары мен экспресс-тестілеу жүйелері және көмекші медициналық жабдық орын алған.

Медициналық жүк Өзбекстанның Денсаулық сақтау министрлігі жанындағы санитарлық-эпидемиологиялық қадағалау агенттігіне елдің барлық аймақтарына тарату үшін тапсырылады.

Бұл коронавирустық жағдайда БАӘ-нің COVID-19 таралуына қарсы Өзбекстанға гуманитарлық көмек ретінде жіберген төртінші реткі медициналық өнімдері. Пандемия басталғаннан бері Өзбекстанға 51 тонна гуманитарлық көмек жеткізілген.