Біріккен Араб Әмірліктерінен Ташкент қаласынан бөлек, Самарқанд, Бұхара, Үргеніш және Наманган қалаларына да ұшуға болатыны айтылды.

Өзбекстан Елшісі Абдулазиз Аққұлов БАӘ азаматтық авиациясының бас директоры Саиф Мухаммад Аль Сувайдимен кездесті.

Сұхбат барысында екі ел арасындағы қолданыстағы әуе рейстерінің санын арттыру, келіп түскен өтініштерді қарау үдерісін жеделдету, алдағы уақытта өңірлік әуежайларға өзара тиімді әуе қатынасын орнату мәселелері талқыланды.

Саиф Мухаммад әл-Сувайди екі ел арасындағы рейстердің маусымдық жағдайға байланысты 2023 жылы 46-ға дейін өскенін мәлімдеді. Ол сондай-ақ Әмірліктер тарапының рейстер санын одан әрі арттыруға мүдделі екенін білдірді.

БАӘ әуе компаниялары тек Әмірліктерден ғана емес, сонымен қатар Таяу Шығыс елдерінен де туристерді тасымалдауда көпір бола алатыны атап өтілді.

Кездесу соңында тараптар екі ел арасындағы әуе рейстерінің санын арттыру бойынша келіссөздерді жалғастыруға, елшіліктің қолдауымен тиісті компания және ұйымдармен кеңестер ұйымдастыруға келісілді, делінген хабарламада.