Біріккен Араб Әмірліктері – WAM ақпараттық агенттігі Сыртқы істер министрі шейх Абдулла бен Заид Әл Нахаянның халықаралық ынтымақтастық саласындағы бір топ белсендіні марапаттауы туралы мақала жариялады.

Мақалада Абу-Дабиде аккредитациядан өткен 18 шетелдік өкілдік пен ел Сыртқы істер министрлігінің 9 департаменті марапатталғанын, сондай-ақ министрліктің 7 қызметкері медальдармен марапатталғанын атап өтілген.

Марапатталғандар қатарында Өзбекстан Республикасының Біріккен Араб Әмірліктеріндегі Төтенше және Өкілетті елшісі Абдулазиз Аққулов та бар. 

Абдулла бин Заид Әл Нахаян Өзбекстан мен БАӘ арасындағы сауда-экономикалық және мәдени-гуманитарлық ынтымақтастықтың тұрақты дамып келе жатқанын атап өтіп, екі елдің сыртқы саяси кеңселері мен дипломатиялық өкілдіктерінің маңыздылығына назар аударды. 

Шара аясында жалпы 142 елшіліктен 9 мекеме шетелдік дипломатиялық өкілдіктер ретінде, Азия мен Тынық мұхиты аймағынан Өзбекстан мен Үндістан елшіліктері және Дубайдағы 85 консулдықтың 4 Бас консулдығы «Халықаралық ынтымақтастық үздігі» марапатына лайық деп табылды.

Министр үздіктерді құттықтап, олардың бастамасын, креативті идеясын, жұмысқа деген адалдығын жоғары бағалады.

2014 жылы құрылған, дипломатиялық қарым-қатынастарды нығайтуға лайықты үлес қосып жүрген елшіліктер мен дипломаттарға берілетін «Халықаралық ынтымақтастық үздігі» сыйлығы БАӘ Вице-Президенті, Премьер-министр және Дубай билеушісі Мұхаммед бен Рашид әл-Мактумның бастамасымен берілетін «Үкімет үздігі» сыйлығының құрамдас бөлігі саналады.