Біріккен Ұлттар Ұйымының Есірткі және қылмыс жөніндегі басқармасының Ауғанстан, Орталық Азия, Пәкістан және Иран бойынша өңірлік өкілі Оливер Штольпе Өзбекстан Республикасы Олий Мажлисі Сенатында болды.

Сенат төрайымы Танзила Нарбаевамен кездесуде Өзбекстан мен БҰҰ-ның Есірткі және қылмыс мәселелері жөніндегі басқармасы арасындағы ынтымақтастық, әсіресе заңсыз есірткі айналымы, трансұлттық ұйымдасқан қылмыс, адам саудасы және терроризмге қарсы күрес жаңа деңгейге көтерілгені атап өтілді.

Сонымен қатар, өңірде адам құқықтарының басымдығын және гендерлік теңдікті қамтамасыз ету, лайықты еңбек жағдайларын жасау, сыбайлас жемқорлық пен адам саудасына қарсы күресте парламенттің рөлі жан-жақты талқыланды.

Өзбекстанның сыбайлас жемқорлыққа қарсы күрес жөніндегі құқықтық негіздері қалыптасқаны және бұл бастамалардың халықаралық деңгейде мойындалғаны ерекше атап өтілді.

Өзбекстан адам саудасы, мәжбүрлі еңбек және шетелде жұмыс істейтін мигранттардың құқықтарын қорғау саласында айтарлықтай жетістіктерге жеткені туралы да айтылды.

Бұл тұрғыда Өзбекстанның халықаралық рейтингтер мен индекстердегі көрсеткіштері жақсарғаны ерекше атап өтілді. Осы оң нәтижелерді одан әрі дамыту үшін ұйыммен ынтымақтастықты нығайту мәселелері талқыланды.

Кездесу барысында тараптар қылмыс пен құқық бұзушылықтардың алдын алуда заманауи ақпараттық технологияларды кеңінен пайдалану бойынша ынтымақтастықты жандандыруға келісті.