Дүниежүзілік қауымдастық қазіргі азық-түлік дағдарысын елемейтін болса, жаппай ашаршылыққа, саяси тұрақсыздыққа және бақыланбайтын миграцияға ұшырау қаупі бар, дейді БҰҰ-ның Дүниежүзілік азық-түлік бағдарламасының атқарушы директоры Дэвид Бисли.

«Біз қазір бұрын-соңды болмаған дағдарыспен бетпе-бет келіп отырмыз және онымен стратегиялық және тиімді күреспесек, біз жаппай ашаршылыққа, көптеген елдің тұрақсыздануына және жаппай миграцияға тап боламыз», - деді Бисли Дүниежүзілік істер жөніндегі кеңес өткізген панельдік пікірталас аясында.

БҰҰ өкілі келесі жылы осыған байланысты биылғы жылдан «әлдеқайда нашар» болуы мүмкін екенін ескертті. Сондай-ақ ол алдағы 6-12 айда азық-түлік бағасының өсуіне байланысты әлемдік қауымдастық қиындықтарға тап болатынын мойындады. Осыдан кейін мәселе шешілмесе, әлемді азық-түлік тапшылығы басып кетуі мүмкін.