Бүгін – Халықаралық отбасы күні
Бұл күн алғаш рет 1994 жылдан бастау алып жыл сайын мерекелік түрде өтіп келеді
Бүгін – Халықаралық отбасы күні. Бұл күн 1993 жылы БҰҰ-ның Бас ассамблеясы шешімімен 15 мамыр «Отбасы күні» ретінде белгіленген болып, алғаш рет 1994 жылы аталып өтті. Атаулы күннің әлемдік деңгейде белгіленуінің негізі жер бетіндеті мемлекеттер аумағында қоғамның назарын отбасына аудару қажеттігінен туындаған. Өйткені адам баласының өмірге келіп, жарық әлемге деген көзқарасы отбасы – ошақ қасынан қалыптасады. Сондықтан «Отбасы – ол да бір шағын мемлекет», деген сөз осыдан келіп шыққан болар. Бұл орта – сүйіспеншіліктің, құрмет пен ынтымақтастықтың ұйытқысы, кез-келген зиялы әлеуметтің діңгегі. Отбасының аман-саулығы әрбір елдің дамуы мен келешегінің өлшемі бірлігі іспеттес.