Колумбия президенті Густаво Петро БҰҰ Бас кеңсесін Нью-Йорктен басқа жерге көшіруді ұсынды. Ол мұны АҚШ оның визасының күшін жойғанынан кейін мәлімдеген.

Оның айтуынша, БҰҰ Бас ассамблеясына қатысатын мемлекет басшылары толық қолсұғылмаушылық құқығына ие болуы тиіс. Алайда оның визасының күшін жоюы және Палестина үкіметінің елге кіруіне рұқсат берілмеуі АҚШ-тың халықаралық құқық нормаларын сақтамай отырғанын көрсетеді.

«Біріккен Ұлттар Ұйымының Бас кеңсесі Нью-Йоркте қала алмайды», — деп жазды Колумбия президенті өзінің X әлеуметтік желісіндегі парақшасында.

Айта кетейік, Густаво Петро Нью-Йоркте Палестинаны қолдаған наразылық шарасына қатысып, халыққа үндеу жасағаны үшін визасынан айырылған.