15 маусым күні Тәжікстан астанасы Душанбе қаласында Азиядағы өзара іс-қимыл және сенім шаралары кеңесінің бесінші саммиті басталды.

Онда, кеңеске мүше және бақылаушы мемлекет басшылары мен халқаралық ұйымдардан келген 30 дан аса делегация қатысуда.

Алқалы жиынды, Тәжікстан Президенті Эмомали Рахмон ашып берді.

Азиядағы өзара іс-қимыл және сенім шаралары кеңесі құрлықтағы тыныштық пен бейбітшілікті қамтамасыз ету, ынтымақтастықты нығайту, мемлекеттер мен халықтардың байланысын арттыруға арналған форум.