Азия паралимпиада комитетінің президенті Маджид Рашед Өзбекстанға келді.

Мәртебелі мейманды Ташкент халықаралық әуежайында Азия паралимпиада комитетінің вице-президенті, Өзбекстан Ұлттық паралимпиада комитетінің төрағасы Мұхтархан Ташходжаев қарсы алды.

«Сапар барысында Маджид Рашед 2025 жылы 4-ші Азия және 5-ші Пара Азия жастары ойындарын өткізу үшін Ташкентте салынатын Олимпиада қалашығының құрылыс жұмыстарының басталуына байланысты ірге тасын қалауға арналған салтанатты шараға қатысады», делінген Өзбекстан Ұлттық Паралимпиада комитетінің хабарында.

Сондай-ақ Маджид Рашедтің Спортты дамыту министрі Адхам Икрамовпен кездесуі жоспарланған.