Өзбекстан Республикасы Спорт министрлігінде Азия Олимпиадалық кеңесінің бас директоры, Дүниежүзілік су спорты түрлері федерациясының президенті Хусейн Әл Мусаллам және Азия велоспорт конфедерациясының президенті Осама Әл Шафармен кездесу өтті.

Мәртебелі меймандармен болған сұхбатта Спорт министрі Адхам Икрамов Өзбекстанда «Ташкент-2025» жасөспірімдер Азия ойындарына қызу дайындық жүріп жатқанын, салынып жатқан спорт кешендерінің мүмкіндіктері туралы хабардар етті.

Сондай-ақ, Олимпиада қалашығында атқарылып жатқан жұмыстардың жай-күйі, жарыстарды өткізуге арналған нысандар, бағдарламаға енгізілетін өзгерістер туралы пікір алмасылды.