Азия футбол конфедерациясының (AFC) басшылығы ұлттық футбол федерацияларына, Азия Чемпиондар лигасының 1/8 финалынан бастап VAR жүйесі жұмыс істейтіндігі туралы хабарлады.

АФК алдағы уақытта өз комиссия мүшелерін бірнеше елдегі және клубтардағы жағдайды зерттеуге жіберуді жоспарлап, онда VAR жүйесінің жұмысы мен стадионның техникалық мүмкіндіктері және ареналарда төрешілердің жұмыс істеу принцптерін үйренбек. Комиссияның мақсаты - алаңның техникалық жағдайын VAR жүйесі барлық матчтарда қолданылатындай етіп жалпыға бірдей жеткізу.

Азиядағы кейбір клубтар мен жасыл алаңның техниалық мүмкіндігі дәл осы жүйеге сәйкес келе бермеуіне байланысты олар VAR жүйесінсіз ойын өткізуді жалғастыра береді. Алайда мүмкіндігі жетер алаңдар да бұл жүйе міндетті түрде қолданылатын болады.