Gruziyaning Tbilisi shahrida 3 karra Olimpiya o‘yinlari g‘olibi, ayni damda Gruziya og‘ir atletika federatsiyasi prezidenti Kaxi Kaxiashvili tomonidan tashkil etilgan “Kaxi kubogi” bo‘lib o‘tdi.

1994 yildan buyon o‘tkazilayotgan ushbu xalqaro musobaqada erkaklar o‘rtasida +109 kg vazn toifasidagi bahslarda ishtirok etgan hamyurtimiz Azimjon Xolev uchinchi o‘rinni, sinkler tizimi bo‘yicha esa sakkizinchi o‘rinni band etdi.  

Musobaqa yakunida delegatsiyamiz a’zolari Kaxi Kaxiashviliga O‘zbekiston og‘ir atletika federatsiyasining maxsus esdalik sovg‘asini topshirdi.  

Javohir Toshxo‘jayev,  

O‘zA