"Аждодлар изидан" танловининг Республика босқичида Қуролли Кучлар ва Ҳуқуқни муҳофаза қилувчи органлар таркибига кирувчи вазирлик ва идоралар ўзаро беллашди.

Мазкур танловда жамоалар "Улуғ салтанат", "Авлодлар довони" романи, "Қобуснома", "Рустамхон" - халқ достони, "Жадидлар" тўплами, "Темур Малик", "Икки эшик ораси", "Алпомиш" достони, "Кўҳна дунё" ҳамда "Уйғониш" асарларидан тузилган саволлар бўйича ўзларининг билимларини шакллаштирган ҳолда ўзаро баҳс олиб борди.

Қизғин кечган баҳсларнинг якуний натижаларига кўра, Ички ишлар вазирлиги жамоаси биринчи ўринни қўлга киритди. Иккинчи ўринни Мудофаа вазирлиги жамоаси эгаллади. Учинчи ўрин эса ФВВ жамоасига насиб этди.

Ғолибликни қўлга киритган ҳамда танловда фаол қатнашган иштирокчиларга Ўзбекистон Ёшлар иттифоқи Марказий кенгашининг диплом, кубок, медаль ва эсдалик совғалари топширилди.

Тадбирда қайд этилганидек, бу каби тадбирлар ёшларни руҳлантирувчи, жамоавий ишлаш, уларнинг қалбига ғурур бағишловчи, эзгу тарихий меросимизни янги авлодга етказувчи муҳим восита бўлиб хизмат қилади.

Гулноза Бобоева,

ЎзА