Қазақстан тәуелсіздігінің 28 жылдығына орай Ташкентте мерекелік шара өтті
Бірқатар елдердің дипломатиялық миссия өкілдері мен Өзбекстан Республикасы Премьер-министрінің бірінші орынбасары қатысты
Өзбекстан астанасы Ташкент қаласында орналасқан Қазақстан Республикасы елшілігінің жаңа ғимаратында Қазақ елінің тәуелсізігіне 28 жыл толуына орай 11 желтоқсан күні мерекелік шара өтіп, онда бірқатар елдердің дипломатиялық миссия өкілдері мен Өзбекстан Республикасы Премьер-министрінің бірінші орынбасары Раматов Ачилбай қатысты.
Ашылу салтанатында Қазақстанның Өзбекстандағы Төтенше және өкілетті елшісі Дархан Сатыбалды мырза сөз сөйлеп, Қазақ елінің осынау 28 жыл бойы ел болып - еңсе көтерген тарихына тұздық болар, бастан кешкен бүгінгі күнге дейінгі өткен күндерден дерек берер маңызды оқиғалар тізбегін қысша шолып, Қазақстаның әлем елдерімен дипломатиялық байланыс орнатуға септігі тиген, оны әлемге танытуда еңбегі ерең тұлғалар жайында, соның ішінде Қазақстанның Тұңғыш Президенті – Елбасы Нұрсұлтан Назарбаевтың ерекше еңбегімен Қасым-Жомарт Кемелұлының болашаққа бастар нық қадамы жайлы айтып, сөз соңын Өзбекстандағы «Қазақстан жылы» аясындағы өткен маңызды мәдени-гуманитарлық, саяси-экономикалық және түрлі саладағы үздіксіз байланыстар мен ертеден келе жатқан құдайы көрші, бауырлас Өзбек елімен арадағы қарым-қатнас жайлы түйіндеп келген қонақтарға өз алғысын білдірді.
Қазақстан Республикасының мемлекеттік тәуелсіздігінің 28 жылдығына орай ұйымдастырылған салтанатты кешке келген қонақтар Қазақ елінің көне дәстүрлі мәдени өмірінен шыр шертетін, ұлттық болмысын дәріптейтін елшілік құрамындағы мұражайды арлап, қазақтың қара домбырасынан төгілген күйін тыңдап, қазақтың қазанында дайындалған астан дәм татып, қазақ эстардасын жаңғыртып жүрген өнер қайраткерлерінің өнері көріп, әнін естіп мерекелік кештің сәнді өтуіне атсалысты.