Хорватиянинг Загреб шаҳрида ўтказилган спорт курашлари бўйича жаҳон чемпионатининг юнон-рум кураши беллашувларида Ўзбекистон терма жамоаси аъзоси Айтжан Халмаханов олтин медални қўлга киритди.

Айтжан полвон -60 кг. вазн тоифасининг сўнгги ҳал қилувчи финал баҳсида Жанубий Корея вакили Чунг Хан-Жаени мағлубиятга учратди ва жаҳон чемпионига айланди. Шуни таъкидлаб ўтиш лозимки, ушбу медаль сўнгги 24 йил ичида юнон-рум кураши бўйича дунё биринчилигида ўзбекистонлик полвонларнинг қўлга киритган дастлабки олтин медали бўлди.  

Шу тариқа, Ўзбекистон терма жамоаси спорт курашлари бўйича ўтган дунё биринчилигида 1 та олтин, 1 та кумуш ва 3 та бронза медалларини жамғарди. Қуйида мусобақа давомида делегациямизга медаллар олиб келган полвонлар билан танишасиз:

Олтин медаль:

-63 кг: Айтжан Халмаханов (юнон-рум кураши)

Кумуш медаль:

-60 кг: Алишер Ғаниев (юнон-рум кураши)

Бронза медаль:

-57 кг: Ғуломжон Абдуллаев (эркин кураш)

-65 кг: Умиджон Жалолов (эркин кураш)

-72 кг: Абдулло Алиев (юнон-рум кураши)

Жавоҳир Тошхўжаев,

ЎзА