Xorvatiyaning Zagreb shahrida o‘tkazilgan sport kurashlari bo‘yicha jahon chempionatining yunon-rum kurashi bellashuvlarida O‘zbekiston terma jamoasi a’zosi Aytjan Xalmaxanov oltin medalni qo‘lga kiritdi.

Aytjan polvon -60 kg. vazn toifasining so‘nggi hal qiluvchi final bahsida Janubiy Koreya vakili Chung Xan-Jayeni mag‘lubiyatga uchratdi va jahon chempioniga aylandi. Shuni ta’kidlab o‘tish lozimki, ushbu medal so‘nggi 24 yil ichida yunon-rum kurashi bo‘yicha dunyo birinchiligida o‘zbekistonlik polvonlarning qo‘lga kiritgan dastlabki oltin medali bo‘ldi.  

Shu tariqa, O‘zbekiston terma jamoasi sport kurashlari bo‘yicha o‘tgan dunyo birinchiligida 1 ta oltin, 1 ta kumush va 3 ta bronza medallarini jamg‘ardi. Quyida musobaqa davomida delegatsiyamizga medallar olib kelgan polvonlar bilan tanishasiz:

Oltin medal:

-63 kg: Aytjan Xalmaxanov (yunon-rum kurashi)

Kumush medal:

-60 kg: Alisher G‘aniyev (yunon-rum kurashi)

Bronza medal:

-57 kg: G‘ulomjon Abdullayev (erkin kurash)

-65 kg: Umidjon Jalolov (erkin kurash)

-72 kg: Abdullo Aliyev (yunon-rum kurashi)

Javohir Toshxo‘jayev,

O‘zA