Ayollar terma jamoamiz Ekvator Gvineyasi, Nigeriya va Zambiya termalariga qarshi maydonga tushadi
Bu jarayon 15-24 fevral kunlari Turkiyaning Antaliya shahrida tashkil etiladigan "Festival Womenʼs Trophy 2021" xalqaro turniri doirasida amalga oshiriladi.
Mazkur turnirga tayyorgarlik ko‘rish maqsadida Bahrom Norsafarov ustozligidagi terma jamoamiz 8-14 fevral kunlari Toshkentda o‘quv-mashg‘ulot yig‘ini o‘tkazadi va 15 yanvar kuni Antaliya shahriga yo‘l oladi.
Ma’lumot o‘rnida aytish mumkinki, nigeriyaliklar ayollar futboli bo‘yicha Jahon chempionatining muntazam ishtirokchisi hisoblanadi. Zambiya ayollar terma jamoasi esa 2021 yilgi Tokio Olimpiadasi yo‘llanmasini qo‘lga kiritgan Afrika qit’asining yagona jamoasi hisoblanadi.
Turnir taqvimi:
17 fevral
O‘zbekiston – Ekvator Gvineyasi
Zambiya - Nigeriya
20 fevral
O‘zbekiston – Nigeriya
Ekvator Gvineyasi – Zambiya
23 fevral
O‘zbekiston – Zambiya
Nigeriya – Ekvator Gvineyasi.
O‘zA