Аввал хабар берганимиздек, пойтахтимиздаги “Бунёдкор” ўйингоҳида "Womenʼs Olympic Football Tournament Paris 2024" ўйинларининг аёллар футболи бўйича Осиё минтақаси саралаш босқичи «А» гуруҳидан ўрин олган жамоалар ўртасидаги учрашувлар давом этяпти.

5 апрель куни терма жамоамиз қизлари Бутан жамоаси қизлари билан майдонда куч синашиб, 9:0 ҳисобида ғалабани қўлга киритган эди.

Бугун терма жамоамиз аъзолари Тимор Лесте жамоасига қарши майдонга тушди.

 Ўзбекистон терма жамоаси аъзоси Нафиса Набиқулованинг рақиб дарвозасига йўллаган голи ҳисобни очди.

[gallery-11343]

Терма жамоамиз устунлигида ўтган ўйин 3:0 ҳисобида қизларимизнинг ғалабаси билан якунланди.

"Париж-2024" йўлидаги ўйинда терма жамоамиз қизлари энди гуруҳдаги навбатдаги учрашувни 11 апрель куни Иордания жамоасига қарши ўтказади.

Н.Раҳмонова, ЎзА