2025 йилнинг сўнгги декабрь ойи бошқа спорт турлари қаторида аёллар баскетболи бўйича ҳам сарҳисоб даври бўлмоқда.

Куни кеча Фарғона шаҳрида ўтказилган Ўзбекистон чемпионати Олий лига баҳсларининг сўнгги тур ўйинлари мамлакатнинг энг кучли жамоаларини аниқлаб бергани билан ёдда қолди.

Якуний ўйинларда Жиззах давлат политехника университетининг “Зиёкор” жамоаси “Сўғдиёна” жамоаси устидан 65:63 ҳисобида ғалаба қозонган бўлса-да, ОКМК жамоасига қарши ўйинда 59:78 ҳисобида мағлубиятга учраши натижасида совриндорлар қаторидан бир поғона паст, яъни 4-ўрин билан кифояланди.

Олий лига ўйинларининг якунларига кўра, мамлакат чемпионлиги 32 очко жамғарган ОКМК жамоасига насиб этди. 2-ўринни 27 очко жамғарган Фарғона давлат университети баскетболчи қизлари банд этди. Кучли учликка 28 очкога эга бўлган Нукус жамоаси якун ясади.

Эслатиб ўтамиз, Олий лига ўйинларида мамлакатимизнинг 10 та аёллар баскетбол жамоалари иштирок этди.

Т.Рўзиев, ЎзА