Professional ayol tennischilarning e’lon qilingan haftalik yangi reytingida o‘zbekistonlik raketka ustalaridan Nigina Abduraimova uch pog‘onaga yuqorilab, 245-o‘rinda qayd etildi.

Shuningdek, mamlakatimizning mahoratli tennischi qizlaridan Milana Maslenkova WTA tasnifidagi o‘rnini yaxshilashga muvaffaq bo‘ldi. Hozirda o‘zbekistonlik tennischilar orasida 2-o‘rinda nomi zikr etiladigan Sevil Yuldasheva reytingdagi joyidan 15 pog‘ona pastlashga majbur bo‘ldi. 

WTA reytingidagi kuchli o‘nlikda qayd etilgan qozog‘istonlik Yelena Ribakina Doha turnirida vitse-chempionlikka erishishi tufayli beshinchi pog‘onadan 4-o‘ringa ko‘tarilib oldi. Qatar musobaqasida g‘oliblikka erishgan polshalik Iga Svyontek esa reyting yetakchisiga aylandi. Shuningdek, belaruslik Arina Sobolenko ikkinchi, amerikalik Kori Goff esa uchinchi o‘rinni band etgan. 

T. Ro‘ziyev, O‘zA