Tadbir vaqtida fuqaro I. yashash uyidan nomaʼlum tomonga qochib ketgan.

Shu kuni soat 19:00 larda Samarqand tumani IIB xodimining oldiga oʻzini gumon qilinuvchi I.ning onasi deb tanishtirgan Z. kelib, oʻgʻlining xonadonidan giyohvandlik vositasi topilganligi, bu ishni pul evaziga ijobiy hal qilib berishni soʻragan.

IIB xodimi ayolga giyohvandlik vositalari bilan muomala qilish jinoyat ekanligi, bu holat yuzasidan tegishli tartibda hujjatlar rasmiylashtirilganligini, oʻgʻlini tergov harakatlariga jalb qilish uchun olib kelishini aytishiga qaramasdan, oʻgʻlining ishini hal qilib berishini, buning evaziga qoʻl barmoqlari yordamida uch raqamini koʻrsatib, 3.000 AQSH dollari miqdoridagi pullarni berishni taklif qilgan.

Xodim fuqaroning bu harakati noqonuniyligi, pora berish, olish, olish-berishda vositachilik qilish jinoyat ekanligini tushuntirishiga qaramasdan fuqaro Z. 3000 AQSH dollari miqdoridagi pullarni 27-avgust kuni soat 10:00 da olib kelishini aytib, chiqib ketgan.

Tuman IIB xodimi viloyat IIBga bildirgi bilan murojaat qilib, yuqoridagi holatni bayon qilgan.

Mazkur bildirgiga asosan, 2020-yil 27-avgust kuni IIV Oʻz xavfsizligi boshqarmasi Samarqand viloyati boʻyicha boʻlimi xodimlari hamkorligida oʻtkazilgan tezkor tadbir davomida fuqaro Z. oʻgʻli I. tomonidan sodir etilgan jinoyat boʻyicha jinoiy javobgarlikka tortmaslik evaziga IIB xodimiga xizmat xonasida 4000 AQSH dollarini pora tariqasida bergan vaqtida tadbir ishtirokchilari tomonidan ashyoviy dalillar bilan ushlandi.

Mazkur holat yuzasidan Samarqand tuman prokuraturasi tomonidan Z.ga nisbatan Oʻzbekiston Respublikasi JKning 211-moddasi 1-qismi bilan jinoyat ishi qoʻzgʻatilib, dastlabki tergov harakatlari olib borilmoqda.