Ўзбекистон Республикаси Давлат байроғи тўғрисидаги қонун қабул қилинган куннинг 29 йиллиги муносабати билан Арнасой тумани Наврўз қўрғонидаги Айдар–Арнасой кўли атрофида бир гуруҳ ёшлар 90 га 60 метрли Ўзбекистон байроғини кенг қулоч қилиб ёйишди.

Унда Ўзбекистон Ёшлар ишлари агентлиги Жиззах вилоят бошқарма бошлиғи Дилмурод Худойшукуров бошчилигидаги  Жиззах олимпия захиралари коллежи, Ўзбекистон Ёшлар иттифоқи Арнасой туман кенгаши, Миллий гвардия ҳамда вилоят экология бошқармаси Арнасой туман инспекцияси ходимлари иштирок этди.