“The Washington post” хабар беришича, Президент Жо Байденнинг ўғли Хантер федерал солиқ билан боғлиқ тўққизта айблов бўйича айбини тан олди. Бу кутилмаган воқеа унга иккинчи жиноий суд жараёнидан қутулиш имконини беради, Шундай бўлса-да, айбдорни барибир жиддий қамоқ жазоси кутяпти.

Аввалроқ Жо Байден ҳалигача ўғлини авф этиш ниятида эмаслиги маълум бўлганди. Оқ уй айбини тан олиш нияти туфайли Хантернинг жазосини юмшатиш имконини рад этган.

2023 йил декабрь ойи бошида давлат раҳбарининг ўғлига солиқ тўлашдан бўйин товлагани учун тўққиз модда асосида айблов қўйилган. Суддан кейин 53 ёшли кичик Байден 17 йилгача турмада ўтириши мумкин.