Ўзбекистон дунё тамаддунида қадимий илмий–маъданий меросга бой диёр сифатида муҳим ўрин тутади. Биргина Сирдарё бўйларидаги Ахсикат, кейинчалик Ахсикент деб аталувчи шаҳар ўлканинг сиёсий-иқтисодий маркази бўлиши билан бирга илм-фан, санъат ривож топган давлат пойтахти эди.

Бу анъана бугунгача етиб келишига тарихий воқеалар тўсиқ бўла олмади. “Янги Ўзбекистон – инсон қадри улуғланган юрт. Қадимий садолар акси” фестивали аждодлар ва замон руҳи уйғунлашган санъат байрами қиёфасида давом этди.  

Қадим Ахсикент вилоят санъаткорларини яна бир бор бирлаштирди. Бу ерда асрлар оша авлоддан-авлодга ўтиб келаётган садолар янгради. Наманганнинг ҳар бир шаҳар-туман санъаткорларию-ҳаваскорлари миллий куй-қўшиқларни ижро этиб, халқ маданияти қадимшунослигига ўз ҳиссаларини қўшдилар.  

Тадбир сўнгида ташкилотчи – Наманган вилояти ҳокимлиги ғолиб иштирокчиларни тақдирлади. Лекин, энг қимматли мукофот – Ахсикент табиий саҳнасида куйлаш бахти бўлди.  

<iframe width="640" height="360" src="https://www.youtube.com/embed/JPzlaHQgEwQ" title="Ахсикент фестивали – анъаналар давоми" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Муҳаммаджон Обидов,  

Элёр Олимов(видео)  

ЎзА