Куни кеча пойтахтимизда Халқаро автомобиль федерацияси (FIA) Бош Ассамблеяси ҳафталиги доирасида “FIA 101 – Career Opportunities” онлайн-сессияси бўлиб ўтди.

Тадбирда мазкур халқаро федерация ҳамда Ўзбекистон миллий автоспорт ва картинг федерацияси вакиллари иштирок этиб, автоспортнинг ривожланиш йўналишлари, соҳадаги долзарб тенденциялар, ўқув дастурлари ва мутахассислар учун яратилаётган имкониятлар ҳақида сўз юритишди.

Онлайн-сессия давомида FIAнинг автоспортни барқарор ривожлантиришга доир асосий стратегиялари тақдим этилди. Шу билан бирга, халқаро ва миллий мусобақаларда иштирок этиш учун мўлжалланган ўқув курслари, малакани тасдиқловчи шаҳодатномаларни олиш тартиби муҳокама қилинди.

[gallery-26693]

Д.Ҳакимов,

А.Алижонов (сурат), ЎзА